 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я нікому вершаў
Ня пісаў ніколі‚
А табе вось першай
Я пішу. Што болей?
Я ня слаўны Ленскі‚
Ты-ж і не Тацьяна...
Родам я з-пад Менску...
Часта‚ часта п'яны
Я хаджу‚ бо цела
І душа на ранах.
Мо таму й запела
Ліра аб каханай;
Аб табе каханай‚
Аб табе адзінай‚
Не аб той‚ што танна
Прадае радзіму;
Прадае радзіму‚
Што гандлюе целам...
Аб такой тварыне
Ліра не запела-б.
Я пішу сьвятому
Сатварэньню Бога‚
Што жыве бяз дому‚
Нібы той убогі;
Нібы той убогі‚
Што паходзіць з чэрні‚
Што крывавіць ногі‚
Як і я‚ аб церні...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
